Американскиот државен секретар Ентони Блинкен, кој е во официјална посета на Литванија, рече дека САД ја зајакнале заедничката одбрана на земјите-членки на НАТО, така што Вашингтон и сојузниците сега се подготвени да се соочат со секаква закана, вклучително и испраќање 7.000 нови американски војниците во Европа и прераспределбата на другите за зајакнување на источното крило на НАТО.
Блинкен ја повтори американската посветеност на членот 5 од НАТО дека напад врз една членка, е напад врз сите, нагласувајќи: „Ќе ја браниме секоја педа од територијата на НАТО“.
Американскиот државен секретар оцени дека Русија се обидува да ја поткопа литванската демократија и да сее поларизација со сајбер напади и дезинформации.
Тој исто така додаде дека САД и Литванија се обединети во нивната определба да бидат со Украина, додека руската инвазија на таа земја влезе во 12-тиот ден, пренесува Би-Би-Си.
Литванскиот министер за надворешни работи Габрелиус Ландсбергис повика на ембарго за купување на руска енергија.
„Не можеме да платиме нафта и гас со крвта на Украина“, истакна тој.
