Бонд девојката од најновиот филм за славниот агент 007 „Не е време за умирање“, проговори за напорната работа што ја вложи во филмот, но и за животот далеку од нејзиното семејство во Куба: „Ми недостасуваат“.
32-годишната Кубанка блеска во есенска мода на „Сен Лоран“ за најновото издание на магазинот „Флаунт“ додека зборува за предизвиците да се биде во самоизолација во Лос Анџелес, далеку од семејството во Куба, додека се навикнува на холивудската слава.
Ѕвездата – чие целосно име е Ана Селија де Армас Казо – додава дека е среќна што сега се отвораат киносалите, и целиот тим на филмот конечно добива шанса да ја покаже и прослави целата напорна работа.
Во филмот Ана глуми како агент на ЦИА, Палома.
