Утрински Весник
Спорт

Надал и Пау Гасол со апел до шпанските спортисти

Надал го совлада Делбонис и се пласира во третото коло на Австралија опен

Мадрид, 26 март 2020 (МИА) – Рафаел Надал ги повика шпанските спортисти да помогнат во собирањето 11 милиони евра за борба против пандемијата од коронавирус. Шпанија е една од најпогодените земји во светот со над 56,000 заразени и над 4.000 мртви од КОВИД-19. Шпанската влада денес ја продолжи вонредната состојба најмалку до 12 април.

Освојувачот на 19 Гренд слем титули, Надал вели дека веќе разговарал со кошаркарот Пау Гасол за тоа како можат да помогнат и решиле да создадат иницијатива за поддршка на Црвениот крст во обезбедување заштитна опрема и инфраструктура за помош на ранливите семејства во Шпанија погодени од вирусот.

– Мислам дека во голема мерка сме спортисти заради вашата поддршка и сега е време кога вашите спортисти нема да ве изневерат. Дојдовме до заклучок дека ќе покренеме иницијатива околу која се надеваме дека сите шпански спортисти ќе се обединат во демонстрација на солидарност и добар пример за единство за да му помогнат на Црвениот крст. Целта е јасна – да се соберат 11 милиони евра за да се помогне на 1,35 милиони луѓр. Веруваме дека ќе се приклучат сите шпански спортови. Пау и јас веќе ги направивме нашите донации и ние ви веруваме. Сигурни сме дека ова ќе биде нашата најголема победа“, изјави шпанскиот тенисер.

Надал им се придружи на светските везди кои веќе донираа огромни суми за борба против КОВИД-19. Тука се Лионел Меси, Кристијано Роналдо, Роџер Федерер, Пеп Гвардиола, Серхио Рамос и многу други.

Извор: mia.mk

Можете да прочитате

Чави и да не се премисли останува во Барселона

Јокиќ со нов рекорд во НБА

Медведев – Синер е првата полуфинална двојка на Мастерсот во Мајами