Светскиот рекет број 2, Русинот Данил Медведев вели дека е бизарна одлуката да се одложи стартот на Франција опен една недела, велејќи дека тоа нема да има никаква врска во земјата која е погодена од „третиот бран“ на корона вирусот.
Франција по третпат воведе „локдаун“ минатата недела во обид да се намали бројот на заразени, со полициски час од 19 часот до 6 часот наутро, по што организаторите на Ролан Гарос, Француската тениска федерација (ФФТ) го одложи турнирот за една недела со старт на 30 мај.
„Навистина сум изненаден. Каква врска има ако играме една недела подоцна. Ти дава чувство дека за една недела ќе исчезне КОВИД. Не сум сигурен дека нешто ќе се смени и навистина е смешно. Не ја критикувам федерацијата, туку самата ситуација“, вели Медведев.
> Медведев: Зарем КОВИД ќе исчезне за една недела? <
