Утрински Весник
Магазин

(Видео) Критичарите разочарани од „Tор: Љубов и молња“

Според првичните рецензии, новото продолжение на „Тор“ потфрли во споредба со другите филмови на „Марвел“ и моментално е рангиран како еден од најлошите на ова студио.

dobivaj vesti na viber

Новиот филм за суперхерои „Тор: Љубов и молња“ (Thor: Love And Thunder) доби неповолни критики, станувајќи еден од најлошо оценетите филмови во филмскиот универзум на „Марвел“.

Режисер на продолжението е Таика Ваитити, а главните улоги ги толкуваат Натали Портман, Кристијан Бејл и Крис Хемсворт.

Моменталниот рејтинг според „Ротен томатос“, веб-страница агрегатор на рецензии (позитивни и негативни)  е 71 процент, врз основа на 154 рецензии од филмски критичари кои присуствуваа на раните проекции на филмот. Оваа оценка го става филмот веднаш над „Неверојатниот Хулк“, кој има рејтинг од 67 проценти и „Тор: Мрачниот свет“, кој има оценка од 66 проценти. „Вечните“ останува Марвелов филм со најниска оцена од 47 проценти.

Дејвид Фиар остро го критикуваше филмот во својата рецензија за списанието „Ролинг стоун“.

„Колизијата на спротиставени тонови, подзаплети, концептуални и големи промени како и хаос маскиран со патетика е нов додаток во аголот на Асгардските богови и чудовишта во филмскиот универзум на Марвел и е вистински хаос“, напиша тој.

Thor: Love and Thunder е измама. Ликовите се развиваат на најсложени начини. Нивниот статус на крајот на филмот не е ништо поинтригантен од самиот почеток. Најлошото нешто што може да му се случи на филмот е тоа што е неконзистентен,“ се наведува во рецензијата на порталот „Полигон“.

Филмот беше премиерно прикажан во Холивуд на 23 јуни, а во средата пристигна во кината во Австралија и Јужна Кореја. Од денес ќе се прикажува во Велика Британија, Ирска, Мексико и Нов Зеланд, а потоа и во остатокот од светот.

Можете да прочитате

Пирамидите во Мексико откриваат тајни од древната историја

Дупка од 10 метри голтна автомобили во Рим, полицијата ја затвори улицата

„Маски, смеа, рингишпил- дојди во Шеговил!“ – голема забава под маски во Кисела Вода