Лисабон, 6 јуни 2020 (МИА) – Фудбалерот од средниот ред на Бенфика, Јулијан Вајгл зборуваше за нападот врз клупскиот автобус по мечот од португалскиот шампион против Тондела (0:0).
Фудбалерот беше повреден при нападот и однесен во болница.
– Здраво на сите. Само сакам да знаете дека сум добро. Имавме многу среќа! Сфаќам дека сите грешме, но она што се случи ја премина линијата. Фрлајќи камења на автобусот, мислевте дека никој нема да биде повреден? Вистинските навивачи на Бенфика не го прават тоа, знам. Последните неколку недели и денови ни покажаа дека е подобро секогаш да се држиме заедно отколку да фрламе камења едни на други. Благодарност до сите кои беа загрижени и испратија топли пораки. Мислам дека се цениме едни со други, напиша Вајгл на Инстаграм.
