Кичево, 9 јули 2019 (Утрински Весник) – Некомуналниот отпад, односно електрични апарати, мебел, градежен шут, делови од стари автомобили, косена трева, градинарски и овоштарски отпадоци нема да бидат подигнати од ЈП „Комуналец“ од Кичево, информираат од претпријатието.
-Се известуваат граѓаните на територијата на општина Кичево , дека ЈП „Комуналец” од Кичево е давател на услуга собирање, транспортирање и депонирање на комунален отпад, кој се создава од домаќинствата и комерцијален отпад. Согласно законската регулатива, старите предмети како електрични апарати, мебел, градежен шут, делови од стари автомобили, косена трева, градинарски и овоштарски отпадоци не спаѓаат во комунален отпад и истите нема да бидат подигнати. Доколку имаат граѓаните ваков вид на отпад, треба посебно да го пријават, а услугата дополнително се наплатува, информира ЈП „Комуналец“ од Кичево.
Оттаму истакнуваат дека општински комунален инспектор, униформирана полиција и комунален редар се должни на сторителот на прекршокот да му поднесат пријава или изречат глоба.рз/ир