Гостивар, 17 јуни 2019 (/) – Јавна дискусија за Нацрт-текстот на „Националната стратегијата за развој на концептот за едно општество и интеркултурализмот во Република Северна Македонија“ ќе се одржи денеска во Гостивар.
Како што информираат од владината прес-служба, на јавната дискусија и претставувањето на нацрт-текстот ќе учествуваат заменик министерката за финансии Ширет Елези, пратеничката во Собранието Ирена Стефоска, директорот на Агенцијата за остварување на правата на заедниците Илхан Рахман и директорката на Македонскиот институт за медиуми (МИМ) Билјана Петковска.
Нацрт-текстот на стратегијата ќе го претстави Маја Петковска Лесес, координатор на кластер медиуми во координативното тело за изготвување на стратегијата и специјален советник во Канцеларијата на министерот без ресор задолжен за комуникации, отчетност и транспарентност. мс/скс/