Утрински Весник
Македонија

Шекеринска во посета на Центарот за обуки на пилоти

Шекеринска во посета на Центарот за обуки на пилоти

Скопје, 10 јули 2019 (Утрински Весник) – Министерката за одбрана Радмила Шекеринска денеска ќе го посети Центарот за обука на пилоти во касарната „Страшо Пинџур“ во Петровец.

Од Министерството за одбрана најавија дека министерката Шекеринска ќе се обрати по повод новиот конкурс за кандидати за обука за воени пилоти.

Конкурсот за запишување на слушатели на стручно оспособување и усовршување на родот авијација за потребите на Армијата е во тек и трае до 1 август. На него може да аплицираат државјани на Република Северна Македонија, не постари од 28 години, со завршен прв циклус на студии односно со стекнати најмалку 180 кредити.

Кандидатите во процесот на прием и селекција ќе подлежат на проверки на психофизичката способност, познавање на англискиот јазик, проверка – селекција на земја, проверка – селекција во воздух. см/ац/

Извор: mia.mk

Можете да прочитате

ЗНМ: Функционерите мора да одговараат на прашањата на новинарите

„Поддршка за членство во ЕУ имаме, наша задача се реформите“

Средба Бочварски – Милков: Ги потврдивме ставовите за завршување на железничкиот Коридор 8