Утрински Весник
Македонија

Фонтаната во Кратово доби нов модерен лик

Фонтаната во Кратово доби нов модерен лик

Крива Паланка, 29 јуни 2019 (/) – Заврши изработката на мозаикот на градската фонтана во центарот на Кратово. Инсталацијата на мозаикот траеше изминатите неколку денови по што  беше комплетиран новиот урбан лик на фонтаната која го краси градскиот плоштад.
– Активноста се спроведе во рамки на проектот „Мозаик – соработка во традиција и современо живеење“ 2019. Изминатите денови во временскиот интервал од 11 до 14 часот граѓаните имаа можност да учествуваат во креирањето и инсталацијата на мозаикот. Целта  настанот е да им се овозможи на сите заинтересирани граѓани да земат учество во овековечувањето и создавањето на новото уметничко дело, како и да остават свој белег, а со самото тоа да ја почуствуваат важноста и значењето на мозаикот како уметност, изјави Јасминка Давитковска од Општина Кратово.
Автор на мозаикот е Јасмина Бошевски, дипломиран уметник, која на присутните граѓани им ја претстави техниката на изработка на мозаикот како уметност, давајќи им инструкции при креирање на истиот.
Проектот е во реализација на Здружението „Добредојде Македонија – Welcome center“, во соработка со Општина Кратово и финансиска поддршка од Министерството за култура на Република Северна Македонија. ид/фф/

Извор: mia.mk

Можете да прочитате

Ковачевски: Очекувам намалување на цените на основните производи за 10 отсто

Средба на ОБСЕ Тројката Османи -​ Рау – Билстром, во пресрет на Министерскиот состанок во Лоѓ

Атиџе и Штајнмаер си разменија тегли со мед: „Ако ги сакате пчелите, тие ќе ви возвратат“