Утрински Весник
Магазин

Уште двајца повредени во трката со бикови во Памплона

Уште двајца повредени во трката со бикови во Памплона

Памплона, 9 јули 2019 (/) – Две лица се повредени денеска во трката со бикови што традиционално се одржува во градот Памплона во северна Шпанија. Тие меѓутоа, не биле прободени со рогови, какви што беа некои случаи претходниве денови.

Заменик-директорот на регионалната болница, Томас Белсунеги изјави дека еден маж го скршил зглобот, а другиот си ја удрил главата.

Трката со бикови долга 850 метри, денеска траеше нешто повеќе од две минути, со што е најбрзата трка за годинешното издание на фестивалот.

Фестивалот на Свети Фермин трае девет дена, при што секое утро посетителите бегаат пред бикови, коишто пак, потоа учествуваат во борба во арена. Настанот обично привлекува околу милион посетители од цел свет.

Претходно, двајца државјани на САД и двајца Шпанци, беа повредени во трките кои започнаа во неделата. си/гт/

Извор: mia.mk

Можете да прочитате

Шарлиз Терон на кус излет во Западен Холивуд

Бред Пит фотографиран во Лос Анџелес по наводите за насилство

Џиџи Хадид го нарече Канје Вест насилник и шега