Утрински Весник
Бизнис

Трамп: Постигнавме многу во трговските преговори со Путин

Трамп: Постигнавме многу во трговските преговори со Путин

Осака, 29 јуни 2019 (/) – Американскиот претседател Доналд Трамп изјави дека е постигнато многу во трговските преговори со рускиот претседател Владимир Путин.

– Мислам дека имавме извонреден состанок. Мислам дека тој е извонредна личност. Зборувавме за трговијата, многу постигнавме. Треба да имаме трговија меѓу Русија и САД, двете големи држави. Имавме многу добар состанок вчера, рече Трамп во интервју за телевизија Русија – 24.

Путин и Трамп се сретнаа вчера на самитот Г-20 во Осака, каде што разговараа еден час и 20 минути.

Портпаролот на Кремљ, Дмитриј Песков по состанокот изјави дека двајцата лидери се договориле наскоро да се сретнат министрите за финансии на Русија и САД.

Инаку вчерашниот руско-американски самит во Осака беше прва средба на двајцата претседатели, откако Трамп ги откажа разговорите со Путин, што требаше да се одржат во Аргентина на маргините на самитот на Г-20 лани во декември. Од тогаш, Путин и Трамп само еднаш разговараа по телефон и тоа минатиот месец. паг/

Извор: mia.mk

Можете да прочитате

Нагло падна притисокот во „Северен тек 2“: откриено опасно истекување

Битиќи на Бизнис форумот во Хрватска: Пред нас се отвораат можности кои како регион треба да ги искористиме

БЕГ тврдат дека немаат обврска да ги грејат скопјани, Влада смирува дека парно ќе има