Утрински Весник
Македонија

Судењето за „Траекторија“ одложено за 3 септември

Судењето за „Траекторија“ одложено за 3 септември

Скопје, 10 јули 2019 (Утрински Весник) – Судењето за постапката за избор на компанија за изградбата на автопатите Миладиновци-Штип и Кичево-Охрид „Траекторија” на СЈО продолжува на 3 септември, поради отсуство на вешто лице.

Судијата Горан Бошевски, на почетокот посочи дека вештакот ја известил јавноста, но не го известил судот дека е на одмор.

Застапник на обвинението Лиле Стефановска, од СЈО, рече дека вештакот ги известил и не знае зошто не го информирал судот.

Случајот “Траекторија” на Специјалното јавно обвинителство се наоѓа во доказна постапка и во него обвинети се поранешниот премиер Никола Груеваки на кого му се суди во отсуство, екс министерот за транспорт и врски Миле Јанакиески, кој се наоѓа во притвор, како и поранешниот вицепремиер Владимир Пешевски и екс директорот на ЈП Државни патишта Љупчо Георгиевски.

Екс министерот Јанакиевски се наоѓа во притвор во затворот во Шутка и веќе десетина ја одбива затворската храна.

Според обвинението на СЈО обвинетите во втората половина на 2012 година и во текот на 2013 година презеле повеќе дејствија со кои во постапката за избор на компанија за изградба на автопатиштата Миладиновци-Штип и Кичево-Охрид ги искористиле и пречекориле своите овластувања. Со тоа му нанелe штета на Буџетот од најмалку 155 милиони евра. аа/ац/

 

Извор: mia.mk

Можете да прочитате

Учество на Османи на 29. Министерски состанок на ОБСЕ, Полска

Ковачевски: Очекувам намалување на цените на основните производи за 10 отсто

Средба на ОБСЕ Тројката Османи -​ Рау – Билстром, во пресрет на Министерскиот состанок во Лоѓ