Утрински Весник
Македонија

Средба Пендаровски – Саити: Предуслов за напредок на секоја држава е владеење на правото

Средба Пендаровски – Саити: Предуслов за напредок на секоја држава е владеење на правото

Скопје, 20 јуни 2019 (/) – Претседателот на Република Северна Македонија Стево Пендаровски денеска се сретна со претседателот на Здружението на судиите и судија во Врховен суд на Република Северна Македонија Џемали Саити, на која било разговарано за предизвиците со кои се соочуваат судиите во вршењето на својата одговорна должност, како и за развојните процеси во оваа област, со цел јакнење и гаранција на независноста, самостојноста и објективноста на судството.

Во тој контекст, Саити го информирал претседателот Пендаровски за нивните досегашни активности во насока на поттикнување на развојот во судството, преку унапредување на законите за целокупната организација и работата на судовите.

Претседателот Пендаровски, се наведува во соопштението од неговиот Кабинет, нагласил дека главен предуслов за напредокот на секоја државата е токму владеењето на правото, односно, неселективно и независно судство, кое професионално, правично и непристрасно ќе ги спроведува законите.

Тоа, нагласил Пендаровски, се придобивки од кои, посредно или непосредно, се засегнати сите граѓани во Република Северна Македонија.

– Доследното практикување на правната држава е од витален интерес за нашите граѓани, рече претседателот Пендаровски, подвлекувајќи дека тоа е едно од клучните барања на Европската унија, во пресрет на одредување  датум за почеток на пристапните преговори на нашата држава. аа/скс/

Извор: mia.mk

Можете да прочитате

124 казни за брзо возење на територија на СВР Битола

Маја Морачанин повторно избрана за претседател на ДОМ

Утре наутро блокада на крстосницата кај „Мавровка“