Утрински Весник
Македонија

Скопјанецот Блаже Атанасовски победник на турнирот за слепи лица викендов на Попова Шапка

Скопјанецот Блаже Атанасовски победник на турнирот за слепи лица викендов на Попова Шапка

Тетово, 9 јуни 2019 (/) – Блаже Атанасовски од Скопје е победник на 20-тиот јубилеен традиционален меѓународен турнир што Здружението на слепи лица од Тетово викендов го организираше на Попова Шапка. За првото место покрај пехар доби и парична награда од три илјади денари, информираа од Здружението.

Втората позиција ја освои Лука Булатовиќ од Белград, Србија, a трето место Зоран Костадиновски од Скопје. Наградени се со пехари и парични награди од 2.500 и 2.000 денари.

Наградени беа и четвртопласираниот Миле Бјелановиќ од Белград и Раша Јаковлевиќ од Косовска Митровица.

Вкупно 20 учесници има овогодинешниот традиционален меѓународен викенд шаховски турнир за лица со оштетен вид. Покрај домашните учесници учествуваа и шахисти од Србија, Бугарија и Турција.

Се играше на осум табли по швајцарскиот систем со специјална Брајова табла, но и според правилата на светската шаховска федерација. ас/сст/

Извор: mia.mk

Можете да прочитате

Маричиќ: Судската реформа клучна за пристапување во ЕУ, имаме уште за работа

Ковачевски разговараше со потсекретарот за тероризам и финансиско разузнавање во Министерството за финансии на САД

Мицкоски: За само 3 дена од 5-ти до 7-ми декември ЕСМ ќе увезе струја за околу 4.200.000 евра