Утрински Весник
Спорт

Силва објави кој ќе го наследи во Сити

Силва објави кој ќе го наследи во Сити

Манчестер, 26 јуни 2019 (/) – Големата ѕвезда и лидер на англискиот шампион Манчестер Сити, Давид Силва објави дека ќе ја одигра својата последна сезона на Островот. Шпанецот е на „Етихад“ од 2010 година, но по крајот на сезоната 2019/2020, најверојатно ќе се врати повторно во својата татковина.

Откако најави разделба со „граѓаните“ следната година, Силва прокоментира и кој ќе ја има тешката задача да го наследи во шампионскиот тим на Пеп Гвардиола.

Според полудефанзивецот со оваа улога ќе се справи одлично младата ѕвезда на Сити, Фил Фоуден.

– Сигурен сум дека Фил Фоуден ќе стане еден голем фудбалер. Тој е голем човек и ќе биде мојот наследник. Тој секогаш сака да победува и тоа му помага да се развива брзо. Кога си млад, секогаш ги прашуваш постарите за искуство. Сум му давал многу совети, како на пример како да се движи по теренот. Тој прифаќа совети и тоа се гледа во неговата игра. Ме потсетува на мене кога бев млад, особено како човек. Тој е многу тивок, но секогаш е на вистинското место. Тој мрази да губи. Најдобриот совет што можам да му го дадам е да остане смирен. Што и да се случува во неговата кариера, подеми и падови, секогаш да остане мирен, изјави Силва.вз

Извор: mia.mk

Можете да прочитате

Уште еден премиерлигаш добива американски газда

МЗТ Скопје преку ТФТ до петта титула од Суперкупот

Сестрата на Роналдо контра Португалците: Вие сте болни, бездушни, глупави и бескрајно неблагодарни