Утрински Весник
Македонија

Се олеснува можноста НРТ да склучува договори за права од меѓународни спортски настани

Се олеснува можноста НРТ да склучува договори за права од меѓународни спортски настани

Скопје, 16 јули 2019 (Утрински Весник) – Националната радио телевизија (НРТ) доби можност за полесен пристап до склучување договори за права од меѓународни спортски натпревари и настани кои претставуваат посебен јавен интерес за граѓаните, беше одлучено на денешната владина седница.

– Владата на денешната седница го прифати како свое мислењето на Министерството за информатичко општество и администрација за согласност на барањето за давање на автентично толкување на член 105 став 3 од Законот за аудио и аудиовизуелни медиумски услуги, поднесено од пратеникот Драган Данев, соопштија од владината прес-служба.

Оттаму посочија дека членот 105 од Законот за ААВМУ предвидува дека Националната радио телевизија (НРТ) може да остварува дополнителен приход од продажба на програма и услуги, како и од комерцијални комуникации и со барањето за автентично толкување се отвора можност на НРТ да ѝ биде олеснет пристапот за склучување договори за права од меѓународни спортски натпревари и настани кои претставуваат посебен јавен интерес за граѓаните на Република Северна Македонија. см/дма/

Извор: mia.mk

Можете да прочитате

124 казни за брзо возење на територија на СВР Битола

Маја Морачанин повторно избрана за претседател на ДОМ

Утре наутро блокада на крстосницата кај „Мавровка“