Утрински Весник
Македонија

Свечена заклетва на 38 генерација војници на доброволно служење во Армијата

Свечена заклетва на 38 генерација војници на доброволно служење во Армијата

Велес  5 јули 2019 (Утрински Весник) – Во војничкиот клуб на касарната „Алексо Демниевски – Бауман“ во Велес денеска свечена заклетва дадоа 45 војници од 38-та генерација на доброволно служење во Армијата, меѓу кои и шест девојки.

Пред нивните родители, роднини и пријатели бројни гости, претставници на ГШ на Армијата и на Министерството за одбрана се обрати, а на младите војници им ја честита свечено дадената заклетва, потполковник Мухамед Ибраими командант на ЦИО, Центарот за индивидуална обука кој е во рамки на КОД Командата за обука и доктрини со седиште во велешкиот гарнизон.

Тој  потсети дека и оваа 38 генерација млади војници во наредните три месеци на доброволно служење во Армијата, од нивните искусни старешини ќе стекнат знаења и вештини од основната воена обука.

Воедно ги информира  дека сите кои успешно ќе ја завршат обуката имаат убава  можност понатаму да се најдат во редовна Армијата како професионални војници и понатаму да напредуваат во кариерата. ад/цр/

Извор: mia.mk

Можете да прочитате

50 санкции за недавање првенство на минување

СДСМ: Во време на криза училиштата не смеат да се затвораат, општините да ги редефинираат приоритетите

108 санкционирани возачи во Скопје