Утрински Весник
Спорт

Родригез ќе ја продолжи кариерата во Наполи

Родригез ќе ја продолжи кариерата во Наполи

Неапол, 18 јуни 2019 (/) – Хамес Родригез и Баерн неодамна ја прекинаа својата соработка откако германскиот шампион, по двегодишен заем, не одлучи да ја активира клаузулата за откуп, договорена со Реал Мадрид и да биде обврзан со постојан договор, а денес „ЕСПН“ објави дека Хамес ќе ја продолжи својата кариера во Наполи.

Во случај да го откупеше договорот, Баерн ќе требаше да му даде на Реал 42,5 милиони евра за халфот, но нема да биде ништо од тоа, па Родригез ќе се пресели во Италија по 67 натпревари во Бундеслигата, во кои постигна 15 гола и дели 20 асистенции.

Колумбиецот кај Нико Ковач барал сигурно место во стартните 11, а во Баерн не можеле да му го ветат тоа, па поради неговото незадоволство дошло и до тензии во соблекувалната на баварците, по што Ковач и лидерите на клубот одлучиле дека е паметно да го вратат во Мадрид.

Анчелоти гледа во Колумбиецот еден од главните играчи за изградба на нов тим со кој ќе се обиде да ја сопре доминацијата на Јувентус следната сезона.

Наполи ќе го земе на заем за кој ќе плати 10 милиони евра, а потоа ќе има право да го купи за сума меѓу 30 и 40 милиони евра, во зависност од договорот на клубовите, додава изданието.вз

Извор: mia.mk

Можете да прочитате

Флик останува германски селектор, мисијата ЕУРО 2024 на домашен терен

Во ПСЖ „нема место“ за Кристијано, но би го сакале Белингем

ФИФА ги казни Хрватите за навредите кон Борјан и Србите за косовското знаме во соблекувалната