Утрински Весник
Спорт

Раниери опција за заменик на Бенитез на чело на Њукасл

Раниери опција за заменик на Бенитез на чело на Њукасл

Лондон, 25 јуни 2019 (/) – Шампионот со Лестер од 2016 година, Клаудио Раниери, е блиску до раководното место во Њукасл. Веста е на „Скај Спорт“, кои се повикуваат на извори од раководството на „црно-белите“.

Клубот од Северна Англија бара стручњак кој ќе застане на чело на тимот откако договорот на досегашниот менаџер, Рафаел Бенитез не беше продолжен. Сега се дискутираат кандидатурите, а Џовани ван Бронкхорст исто така е опција за „страчките“.

Холанѓанецот го изведе Феенорд до првата титула по 18 години во 2017 година, но нема менаџерско искуство во Премиер лигата, што ја навалува сериозно скалата кон италијанскиот ветеран. И двајцата се без работа од ова лето.

Неодамнешното искуство на Раниери во Англија не беше многу успешно. На крајот на 2018 година и почетокот на 2019 година, тој беше на чело на Фулам, но не направи ништо за да им помогне да избегнат испаѓање. После тоа, тој ја презеде Рома во својата татковина до крајот на сезоната, но не доби нов договор.вз

Извор: mia.mk

Можете да прочитате

Тен Хаг му се заблагодари на Пеп за „лекцијата“

Атлетико Мадрид оди на продажба

Пирло пред отказ во Караѓумрук