Утрински Весник
Македонија

Рамчиловиќ:Реакција на селективниот пристап на Управата за унапредување на образованието на јазиците на заедниците

Рамчиловиќ:Реакција на селективниот пристап на Управата за унапредување на образованието на јазиците на заедниците

Скопје, 4 јули 2019

Деновиве во училиштата низ РС Македонија стигна допис од Управата за унапредување на образованието на јазиците на заедниците при Министерството за образование и наука, односно иницијатива за поттикнување на учениците кои имаат српско потекло по било кој основ, а кои можеби и не се изјаснети како Срби за изучување на Јазик и култура на Србите како изборен предмет во учебната 2019/2020 година.
За таа цел училиштата треба да спроведат анкетирање на родителите на учениците од второ одделение.

Оваа иницијатива и постапка е спорна од два аспекти.

Прво: Управата за унапредувањето на образованието на јазиците на заедниците при Министерството за образование и наука има обврска да се грижи за унапредувањето на образованието на јазиците на сите заедници, а не само на српската заедница. Првпат се случува ваква иницијатива и тоа само за еден јазик. Бидејќи од оваа година се воведува овој, но и изборен предмет Јазик и култура на Турците за кого нема ваква иницијатива. Додека Бошњаците треба да пишуваат барања и петиции преку училиштата за да им биде дозволено да го изучуваат предметот Јазик и култура на Бошњаците.

Второ: Оваа анкета се спроведува во училишта и средини во кои живеат Бошњаци, што е сосема несоодветно и неприфатливо. Што ќе се случи доколку во некои места со мнозинско српско население направите анкета за родителите нивните деца да го изучуваат босанскиот јазик.

На овој начин сакаме да ја информираме јавноста и јавно да ја повикаме Управата за унапредувањето на образованието на јазиците на заедниците да поведе иницијатива и за босанскиот, турскиот, ромскиот и влашкиот јазик согласно Уставот и законите. Доколку тоа не се случи, сметаме дека сегашниот директор не може и не треба да ја води оваа важна инстутуција.

Пратеник
Зеќир Рамчиловиќ

___________________________________________________________

Утрински Весник овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Извор: mia.mk

Можете да прочитате

Маричиќ: Судската реформа клучна за пристапување во ЕУ, имаме уште за работа

Ковачевски разговараше со потсекретарот за тероризам и финансиско разузнавање во Министерството за финансии на САД

Мицкоски: За само 3 дена од 5-ти до 7-ми декември ЕСМ ќе увезе струја за околу 4.200.000 евра