Утрински Весник
Македонија

Протоколот за членство на РСМ во НАТО помина во Парламентарна комисија во Турција

Протоколот за членство на РСМ во НАТО помина во Парламентарна комисија во Турција

Анкара, 4 јули 2019 (Утрински Весник) – Парламентарната комисија за надворешни работи во Големото народно собрание на Турција (ТБММ) даде зелено светло за Предлог-законот за Протоколот за членство на Република Северна Македонија (РСМ) во НАТО да се стави на дневен ред на Парламентот за ратификација, јави агенцијата Анадолија.

Комисијата одржа состанок под водство на претседателот на комисијата, Волкан Бозкир, кој е пратеник на АК Партијата во турското Собрание.

На состанокот беа разгледани 10 предлог-закони, од кои осум беа одобрени, меѓу кои и Протоколот за членство на Северна Македонија во НАТО.

Претседателот ТБММ, Мустафа Шентоп, за време на неговата посета на Република Северна Македонија истакна дека Протоколот за членство на Република Северна Македонија во НАТО за максимум еден месец ќе се ратификува на генералната седница на Собранието, потсетува Анадолија.

Извор: mia.mk

Можете да прочитате

Пешевска: Да се зголеми додатокот за минимална помош преку МТСП

Ковачевски: Да се обединиме за европска иднина за стремежот за европска Македонија

СДСМ: Мицкоски конструктивноста да ја покаже во Собранието, подаваме рака за сите кои работат за граѓаните