Утрински Весник
Македонија

Претстојниот Фестивал на трубите ги исполни капацитетите во Пехчево

Претстојниот Фестивал на трубите ги исполни капацитетите во Пехчево

Пехчево, 6 јули 2019 (Утрински Весник) – Фестивалот на дувачки оркестри кој на 12 и 13 јули по
деветти пат ќе се одржи во Пехчево, ги наполни сите хотелски и приватни сместувачки капацитети во Пехчево, кои како што информираат од Општината, околу 90 проценти се резервирани. Меѓу бројните гости се туристите од соседна Бугарија, но како што велат од Општината, не е мал бројот и на посетители од нашата држава.

– Подготвено го дочекавме и ова издание на Фестивалот на дувачки оркестри во Пехчево. Сите сместувачки капацитети, како хотелско и приватното сместување, се скоро резервирани. Ги покануваме сите оние кои сакаат да присуствуваат во Пехчево, за овие фестивалски денови, да си резервираат сместување во најбрз можен рок, бидејќи според информациите од приватните капацитети останаа уште сосем мал број места, истакнаа од Општината.

Фестивалот започнува на 12 јули, кога на сцената ќе настапат Влатко Лозаноски, дувачките оркестри Чоровци, Сенад Бенд, Џафер Бенд, а на 13 јули ќе се одржи и традиционалниот Етно саем „Пехчевски Павловден“, со целодневна програма во чии рамки ќе настапат традиционални етно групи од земјава и странство.

– На 13 јули, кога е главната вечер на фестивалот, на бината ќе настапат дувачките оркестри Уска Кан, Џипси Тајфа, како и екс-ју ѕвездата, поп и рок пејачот Ален Исламовиќ и неговиот бенд „Кад би био Бијело дугме“,  за на крај, да настапат љубителите на пехчевската публика Brass Brothers, кои ќе го затворат фестивалот, додадоа од Општина Пехчево.

Генералните спонзори на фестивалот се Хотел „Гогов“, „Кит-Го“ маркети и ДИК „Фагус“, кои во соработка со Општина Пехчево и годинава ја продолжија традиција на натсвирување на Дувачките оркестри од земјава и странство.  вс/мс/

Извор: mia.mk

Можете да прочитате

Министерката Петровска на безбедносен форум во Црна Гора – ќе се дискутираат прашања за регионалната безбедност

Сончево време со температура до 26 степени

ВМРО-ДПМНЕ денес ќе достави измени на законот за здруженија