Утрински Весник
Македонија

Почна сечата на огревно дрво во Малешевијата

Почна сечата на огревно дрво во Малешевијата

Берово, 10 јуни 2019 (/) – Шумите во Малешевијата многу повеќе се уништуваат, одошто се обновуваат. Оваа констатација ја делат повеќето шумари, меѓу кои и претседателот на Здружението на сопственици на приватни шуми Војо Соколовски, кој вели дека претстојната сеча на дрва ќе покаже дали годинава Малешевијата ќе се соочи со недостаток на огревно дрво.

-Пожарите се еден од најголемите проблеми со кои се соочува државата и факт е дека голем дел од нив се предизвикани од факторот човек. Од таа причина каков ќе биде квалитетот на шумата и дали ќе има доволно огрев за претстојната сезона ќе покаже сечата која допрва почнува. Оние кои ќе ги добијат тендерите треба што поскоро да излезат на пазарот за да не се создаде вештачки недостиг од огревно дрво, вели Соколовски.

Поради овие причини, нагласува, можни се промени и во цената за огревно дрво за претстојната сезона.

-Заради тоа што излегуваме од тој зимско-пролетен дел и од временските неприлики кои до скоро не дозволуваа почнување на сечата, од излегувањето на терен на дрвосечачите, во голема мера ќе зависи дали годинава ќе имаме недостиг од огревно дрво, вели Соколовски.

Малешевијата е шумско подрачје со околу 29 илјади хектари шума од кои 22 илјади хектари се погодни за огрев. вс/вј/

Извор: mia.mk

Можете да прочитате

Ковачевски: Очекувам намалување на цените на основните производи за 10 отсто

Средба на ОБСЕ Тројката Османи -​ Рау – Билстром, во пресрет на Министерскиот состанок во Лоѓ

Атиџе и Штајнмаер си разменија тегли со мед: „Ако ги сакате пчелите, тие ќе ви возвратат“