Утрински Весник
Македонија

Поведена постапка против лицето кое по тешка кражба влезе во водите на Вардар

Приведени 10 осомничени, кривична пријава против 11 лица за злоупотреба на службена положба и овластување

Скопје, 8 јули 2019 (Утрински Весник) – Јавното обвинителство поведе постапка против лицето кое пред три дена по извршена тешка кражба се обиде да побегне влегувајќи во водите на Вардар, но беше престигнат и совладан од полициска службеничка. Тој кражбата ја извршил така што од вратот на едно женско лице откинал златен ланец. Претходно тој кражба на ист начин извршил и на 25 мај.

-Јавен обвинител од Основното јавно обвинителство Скопје поведе постапка против едно лице, 44-годишен жител на Скопје за сторено кривично дело – тешка кражба. Тој кражбите ги вршел така што им ги кинел накитот. Осомничениот на 25 мај и на 5 јули извршил две тешки кражби на дрзок начин, одземајќи накит од сега оштетените, додека тие се движеле по улица. Откако ќе ги забележал жртвите, започнувал со следење се додека не се увери дека во нивна близина  нема други лица. Во тој момент осомничениот се доближувал и од вратот на оштетените го кинел и одземал накитот  –  златни ланчиња. Во вршењето на кривичното дело на 25 мај учествувало уште едно, засега непознато лице, соопштија од ЈОРМ.

По втората тешка кражба извршена околу 17:30 часот, осомничениот бил забележан од случајни минувачи, започнал да бега по што навлегол во водите на реката Вардар, но бил престигнат и совладан од страна на полициски службеник.

Основното јавно обвинителство Скопје ценело дека се исполнети законските основи, па до надлежниот суд достави предлог на осомничениот да му се определи мерка притвор. сст/скс/

Извор: mia.mk

Можете да прочитате

Оштетен споменикот на Гоце Делчев во Градски парк

Маричиќ-Лирман: Фокус на реформите и заедничка посветеност на патот кон ЕУ

Герасимовски: Изборот на Валентина Ангелковска за најдобар одделенски наставник во земјата е уште едно признание за квалитетот на образованието во Центар