Утрински Весник
Спорт

Официјално: Луис Енрике се повлече од репрезентацијата на Шпанија

Официјално: Луис Енрике се повлече од репрезентацијата на Шпанија

Мадрид, 19 јуни 2019 (/) – Луис Енрике веќе не е селектор на шпанската репрезентација поради лични проблеми. Оваа вест беше објавена на вонредна прес-конференција која беше повикана од Луис Рубиалес, претседател на фудбалската федерација.

Поранешниот тренер на Барселона минатото лето ја презеде „фуријата“, но во последниве неколку месеци тој не го предводеше тимот поради проблемите во прашање, за кои не се знае какви се точно.

„Енрике ни кажа дека не може да продолжи. Му благодариме за завршената работа, а вратите за него се секогаш отворени“, рече Рубиалес.

Неговото место ќе го заземе неговиот поранешен помошник, Робер Морено, кој ја водеше Шпанија во последните три натпревари.

Морено беше дел од штабот на Лучо во Селта и Рома, како и во Барселона потоа. Тој беше одговорен за видео анализите на ривалите, но во последниве месеци ги импресионира сите со својата работа и затоа го зема најважниот пост.вз

Извор: mia.mk

Можете да прочитате

Јапонците ја „урнаа“ Шпанија за прво место, Германија испадна и покрај победата над Костарика!

Стаховски во остра „преписка“ со Троицки и Типсаревиќ за нивната посета на Русија

Дани Алвеш ќе стане најстариот капитен на Бразил на едно СП