Кавадарци, 18 јуни 2019 (/) – Несовесни да не ја поврзуваат атмосферската вода во канализациската мрежа, во изјава за /, апелираат од кавадаречки “Комуналец”. Оттаму нагласуваат дека како последица на невремето кое синоќа го зафати градот, имале десетина интервенции кај поплавени подруми и помошни простории. На едни места црпеле вода со пумпи, а на други отпушувале затнати канализации.
-Веднаш откако почна невремето, излеговме на терен со 15 работници, со по два скипа и трактори и еден кипер. Се чистеа наносите од камења и песок и се ослободуваше патот од селото Ваташа до месноста Моклиште. На лице место за цело време беше и градоначалникот Митко Јанчев, информираше денеска директорот Ѓорѓи Поп Ицов.
Тој додаде дека во текот на денешниот ден, се изврши гребење на наносите на одделни места, рачно, но и машински, со скипчиња. Се мијат и се чистат улиците, како и сливниците, за целосно да се отстранат наносите од поројните дождови. свд/ац/