Утрински Весник
Бизнис

Михајловиќ: Во проектот на брзата пруга Белград-Будимпешта сакаме да ги вклучиме и Северна Македонија и Грција

Михајловиќ: Во проектот на брзата пруга Белград-Будимпешта сакаме да ги вклучиме и Северна Македонија и Грција

Белград, 4 јули 2019 (/) – Српската министерка за градежништво, транспорт и инфраструктура Зорана Михајловиќ најави дека на утрешниот трилатерален состанок на Србија, Унгарија и Кина ќе се разговара за изградбата на брзата пруга Белград – Будимпешта и дека при тоа ќе се разгледа можноста за вклучување и на Северна Македонија и Грција во овој проект.

– Ќе разговараме со Северна Македонија и со Грција за да видиме да се приклучуваат кон овој коридор, бидејќи не е доволно да имаме само модернизирана пруга со која ќе се вози со 200 километри на час од Белград до Будимпешта, ако тоа го немаме низ целата делница, бидејќи овој проект е дел од проектот „Еден појас, еден пат“, изјави Михајловиќ за Радио Телевизија Србија.

Таа додаде дека во интерес на Србија е да ги натера сите да бидат дел од овој проект. – Се надеваме дека ќе има интерес и тоа всушност би бил вистински коридор, потенцира Михајловиќ.

Српската министерка изјави дека вредноста на оваа железничката пруга од Белград до границата со Унгарија изнесува околу две милијарди долари, а целата пруга до Будимпешта чини околу четири милијарди долари, како и дека тоа е најголемиот инфраструктурен проект во овој дел на Европа.

Михајловиќ додаде дека работите во Србија се во согласност со планот и дека „српската страна оди неколку чекори побргу“, додавајќи дека делницата Белград – Стара Пазова би можела да биде завршена до септември следната година, додека на почетокот на 2021 година би требало да заврши изградбата делницата Стара Пазова – Нови Сад, а градбата на делницата Нови Сад – Суботица ќе почне наскоро. об/сп/

Извор: mia.mk

Можете да прочитате

Владата ја обврза ЕСМ да обезбеди парно греење во Скопје

„Адора инженеринг“: Добивме цврсти гаранции дека ЕСМ ќе ги купи топланите Исток и Запад и ќе го плати долгот

Од 15-ти октомври скопјани ќе имаат парно – АД ЕСМ и АДОРА постигнаа договор