Утрински Весник
Македонија

Месноста Ормански поток во Берово исчистен од наносен материјал

Месноста Ормански поток во Берово исчистен од наносен материјал

Берово, 12 јули 2019 (Утрински Весник) – Во Берово се спроведе акција за чистење на месноста Ормански поток. Активноста, како што информираше Билјана Каламадевска од општина Берово, се реализира во согласност со програмата за чистење на природни водотеци во беровскиот регион.

– Согледувајќи ги реалните потреби и состојбите на водотеците, во соработка со Јавното претпријатие за комунални работи „Услуга“ Берово, се спроведе акција за чистење на дел од Ормански поток. Чистењето од наносен материјал и вегетација, на овој природен водотек, се врши со цел спречување на излевањето на водата надвор од коритото и заштитата на семејните имоти и куќи од поплави, како и заштита на улицата, истакна Каламадевска.

Преку издвојувањето средства за реализација на вакви превентивни проекти, додава, Општина Берово ќе продолжи да придонесува во услови на обилни врнежи, можностите за поплави на објекти и имот во Берово и околината да бидат намалени на минимум.

Претходно со ваквите активности беше опфатен каналот на улицата „23 Август” во Берово. вс/

Извор: mia.mk

Можете да прочитате

Сончево време со температура до 26 степени

ВМРО-ДПМНЕ денес ќе достави измени на законот за здруженија

„Чекајќи го следниот состанок“ – Вучиќ и Ковачевски oдмораат на скали