Утрински Весник
Македонија

Мастер програма за интеркултурна комуникација на Универзитетот во Тетово со партнери од Бугарија и Турција

Мастер програма за интеркултурна комуникација на Универзитетот во Тетово со партнери од Бугарија и Турција

Тетово, 4 јули 2019 (Утрински Весник) – Заедничка постдипломска програма на Универзитетот во Тетово, Универзитетот во Софија и Универзитетот Нишанташи од Истанбул ќе биде резултатот од проектот „Нашиот главен елемент“ во рамки на Програмата за образовна мобилност Еразмус плус.

Резултатите од проектот-истражувањето за потребите за отворање на заедничка мастер програма „Интеркултурна комуникација“ беа презентирани денеска на Тетовскиот универзитет.

– Мастер програмата „Интеркултурна комуникација“ би се одвивала по еден семестар во Тетово и Софија, а третиот практичен семинар во Истанбул. Истражувањето покажа дека има потреба и можност. Сега останува во текот на 2020 година да заврши акредитирањето на програмата и наредната академска година да се запишат заинтересираните студенти, изјави Арбер Челику, проректор за меѓународна соработка на Тетовскиот универзитет и раководител на проектот.

Тој додаде дека меѓународната комуникација и соработка е суштината на целиот проект.

– На овој начин во рамки на овој заедничи проект мислевме како да ги зближиме народите особено на Балканот, каде има многу проблеми од историски и политички причини. Мислевме како преку едукацијата да ги подобриме и политиката, но и релјефот на општеството, младите од различни националности да се зближат и да соработуваат. Тука го потенцираме Кант и замислата за светска република, каде нема да има предрасуди и популизми, изјави проректорот.

Дел од проектот е создавање мобилна апликација за поврзување на мастер програмите на партнерите како начин како да се соработува преку интернет. Покрај трите универизитети во проектот учествува и организацијата Адефис Хувентут Интернационал од Шпанија. Проектот е поддржан од Националната агенција за европска едукација и мобилност. ас/фф/

Извор: mia.mk

Можете да прочитате

50 санкции за недавање првенство на минување

СДСМ: Во време на криза училиштата не смеат да се затвораат, општините да ги редефинираат приоритетите

108 санкционирани возачи во Скопје