Утрински Весник
Македонија

Македонски параглајдерист светски вицешампион

Македонски параглајдерист светски вицешампион

Крива Паланка, 9 јули 2019 ( Утрински Весник) – Со последните ажурирања на резултатите од Европскиот параглајдинг куп што се одржа во Урои, Романија, врвниот спортист Борјан Јованоски се искачи на второто место на светската ранг-листа во параглајдинг, дисциплина прецизно слетување.
– Македонскиот небесен стрелец погодува секој пат и тоа го донесе до светски успех. После ажурираните резултати од Европскиот куп кој се одржа во Романија, Урои, Борјан доби повисоко место  на светската ранг-листа. Воздухопловната федерација на Македонија се гордее со постигнатите резултати и успеси на македонскиот врвен спортист. Но патот до врвот не е лесен. Овој  млад човек е спремен да патува и по 2000 километри со комбе со неговиот тим за да и донесе успех на нашата држава.Тоа е навистина за почит. Во него гледаме пример за самодоверба и ентузијазам, се надеваме дека и останатите ќе го следат тој пример. Секој млад човек има потенцијал да стане врвен спортист, а ние за тоа се залагаме, изјави Биљана Еверетте, генерален секретар на Воздухопловна федерација на Република Северна Македонија.
Борјан Јовановски овој период тренира и се подготвува за Светско првенство во Вршац, Србија, во септември, каде што ќе учествува со членови на национална репрезентација во параглајдинг. ид/хс/ 

Извор: mia.mk

Можете да прочитате

ВРМО-ДПМНЕ: Не видовме план од Ковачевски, туку реакција на претходна понуда на Мицкоски

Министрите повеќе нема да можат да јадат лигњи и октопод, Ковачевски забрани морска храна

Пендаровски во посета на Прилеп во рамки на проектот „Лице в лице со претседателот“