Утрински Весник
Македонија

Македонските Лајонси на Светски самит во Милано

Македонските Лајонси на Светски самит во Милано

Скопје, 5 јули 2019 (Утрински Весник) – Членови на македонските клубови од хуманитарната невладина организација Лајонс, од денеска до 9 јули учествуваат на 102. Меѓународна лајонс Конвенција чиј домаќин е италијанскиот град Милано.

Централниот настан ќе се одржи утре претпладне со парада на лајонсите од 125 држави во светот, кои ќе се претстават на плоштадот пред  миланската катедрала Дуомо. Потоа во повеќе сали на МиКо Центар во Милано, ќе учествуваат на отворени разговори, работилници и презентации посветени на хуманоста, помош на слепи лица, гладни и лица со попреченост на кои им е потребна асистенција, а ќе се говори и на теми од областа на екологијата и заштитата на животната средина.

За време на Самитот на лајонси во Милано, претседателот на Лајонс Европа Форум Скопје 2018, Небојша Давидовски и генералниот секретар Звонимир Цветановски ќе остварат средба со претседателот и претставници на организацискиот комитет на Лајонс Европа Форум Талин 2019, кој наесен ќе се одржи во Естонија, а со цел да пренесат искуства од ланскиот европски форум што се одржа во нашиот главен град.

-На светскиот собир на лајонсите, како активни претседавачи на европскиот форум, ќе оствариме повеќе директни средби. Во Милано ќе доделиме посебни плакети на лајонс мулти дистриктите од Швајцарија, Велика Британија и Италија заради нивниот посебен придонес и помагање на европскиот форум што минатата година се одржа во Скопје, истакна Давидовски.

Според востановената традиција, на конвенцијата во Милано, светската лајонс организација ќе изврши промоција на новоизбраните национални гувернери на организацијата, а таа функција во Република Северна Македонија во наредниот едногодишен период ќе ја врши професорката од универзитетската клиника за кардиологија во Скопје, д-р Елизабета Србиновска Костовска, член на Лајонс клубот „Светлина“ од Скопје, која доаѓа на местото на досегашниот прв човек на македонските лајонси, д-р Соња Бојаџиева. мт/вг/

 

Извор: mia.mk

Можете да прочитате

Маричиќ: Судската реформа клучна за пристапување во ЕУ, имаме уште за работа

Ковачевски разговараше со потсекретарот за тероризам и финансиско разузнавање во Министерството за финансии на САД

Мицкоски: За само 3 дена од 5-ти до 7-ми декември ЕСМ ќе увезе струја за околу 4.200.000 евра