Утрински Весник
Македонија

Комисии ќе вршат проценка на штетата по невремето во Преспа

Комисии ќе вршат проценка на штетата по невремето во Преспа

Ресен, 11 јули 2019 (Утрински Весник) – Стручни комисии ќе вршат проценка на штетата направена од синоќешното невреме што зафати дел од Преспа, одлучи советот на Општина Ресен на вонредна седница попладнево.

Градоначалникот на Општина Ресен Живко Гошаревски ги информирал советниците за состојбата на терен и врз основа на тоа го овластиле да формира стручни комисии кој ќе врпат проценки и редовно да го информира Советот во врска со настанатата штета.

Советниците донеле одлука да се обезбедат средства од општинскиот Буџет, за помош за основните потреби на населението, како вода, средства за хигиена, гориво за екипите на терен и слично.

Согласно одлуката на Советот треба да се објави јавен повик за пријавување на штетите од природна непогода, Општината да отвори жиро сметка за донации за оштетените, како и определување телефонски број и лице за контакт за пријавување на проблеми од природна непогода.

Во невремето од силен ветер, дожд и град што синоќа зафати дел од Преспа на потегот кон граничниот премин „Маркова нога“ најпогодени беа селата Штрбово, Наколец, Крани, Долно Дупени и Љубојно, а огромни штети претрпе и авто-капмот Крани. сс/нд/

Извор: mia.mk

Можете да прочитате

Груби – Агелер: Успесите на нашата земја се заеднички со Соединетите Американски Држави

Списоците на корисници на финансиска поддршка објавени на веб страната на Министерството за труд и социјална политика

Маричиќ: Со политичка волја и конкретни чекори од ЕУ, интеграција на регионот е реална