Утрински Весник
Спорт

Касиљас презема тренерска улога во Порто

Касиљас ги негираше информациите дека ќе се повлече од фудбалот

Порто, 15 јули 2019 (Утрински Весник) – Икер Касиљас ќе преземе тренерска улога во Порто, додека продолжува да се опоравува. Голманот доживеа срцев удар за време на тренинг со „змејовите“ на 1 мај. Пет дена подоцна тој беше пуштен од болница.

Според информациите, поранешниот капитен на Реал Мадрид и Шпанија беше на пат да сопре со фудбалот, но 38-годишниот голман ги демантираше гласините во мај, велејќи: „Еден ден ќе дојде време, во кој ќе се откажам од фудбалот. Дозволете ми јас да решам кога ќе се случи тоа. За сега, сè е во ред“.

Денеска Порто потврди дека Касиљас ќе се приклучи на тренерскиот штаб на клубот, истакнувајќи дека тој ќе го прави тоа „додека се опоравува од својот здравствен проблем“, без да се спомене прекин на кариерата.

Самиот голман го сподели следново: „Ќе направам нешто различно од она што го правам вообичаено, имено тоа да бидам на теренот. Ќе се обидам да направам врска помеѓу тимот и клубот. Тренерот разговараше со мене минатата сезона, кога се случи тоа со мене и ми кажа дека сака да останам со нив, во близина на играчите и до младите во составот, бидејќи ќе има многу промени. Ќе дадам се за да помогнам на моите соиграчи“, сподели тој.вз

Извор: mia.mk

Можете да прочитате

Катерина Милевска под менторство на селекторот на САД, нашиот Влатко Андоновски, дел од врвна програма на ФИФА

Супер-компјутерот на СБК: Бразил ќе биде светски првак

Смит Роу опериран, се враќа во декември