Утрински Весник
Македонија

Захариева изрази надеж дека преговорите меѓу ЕУ и Скопје ќе почнат на есен

Захариева изрази надеж дека преговорите меѓу ЕУ и Скопје ќе почнат на есен

Софија, 2 јули 2019 (Утрински Весник) – Бугарската вицепремиерка Екатерина Захариева, за време на јавна расправа по повод почетокот на финското претседателство со Советот на ЕУ, изрази надеж дека октомври нема да биде следниот месец во кој ќе се одложи поканата за членство на Република Северна Македонија и Албанија.

Захариева изрази задоволство што програмата на финското претседателство ја вклучува и темата за проширувањето. Таа истакна дека поканата кон Република Северна Македонија и Албанија нема да биде лесен компромис, но изрази надеж дека овој пат ветувањето за октомври ќе биде исполнето. Таа изрази и жалење што разликите кои ги имаат земјите во Европската Унија стануваат се повидливи за останатите држави во светот.

– Проширувањето е еден многу важен проблем и ние очекуваме дискусии, за да најдеме добро решение во октомври за Западен Балкан, изјави финската амбасадорка во Бугарија Пајви Блиника.

Таа изрази убеденост дека соработката со Бугарија во таа насока ќе биде многу добра.

– Нова, зелена и социјална Европа е најважниот приоритет за Финска, заедно со заштитата на граѓаните и нивните слободи. ЕУ треба да се обиде да работи заедно и ефективно, рече Блиника.

Форумот го организираше „Пан Европа Бугарија“, Амбасадата на Финска во Бугарија и Фондацијата Конрад Аденауер. јт/

Извор: mia.mk

Можете да прочитате

Маричиќ: Судската реформа клучна за пристапување во ЕУ, имаме уште за работа

Ковачевски разговараше со потсекретарот за тероризам и финансиско разузнавање во Министерството за финансии на САД

Мицкоски: За само 3 дена од 5-ти до 7-ми декември ЕСМ ќе увезе струја за околу 4.200.000 евра