Утрински Весник
Македонија

Започнува седмото „Лето на тетовската култура“

Започнува седмото „Лето на тетовската култура“

Тетово, 4 јули 2019 (Утрински Весник) – Седмото издание на манифестацијата „Лето на тетовската култура“ започнува од денеска и ќе трае до 2-ри август во организација на општина Тетово.

Првиот настан вечерва од 18 часот е одбележувањето на денот на независноста на Соединетите Американски Држави пред платото на американското катче во Тетово.

Во текот на манифестацијата на отворено на градскиот плоштад ќе се организираат кик бокс и професионален бокс меч, а ќе се следат натпреварите на ФК Шкендија во евро-куповите.

Од настаните од културата предвидена е промоција на книгата „Етномузикологија“ од Фриц Босе преведена на албански јазик, филмски проекции на отворено, музички концерти, денови на францускиот филм, како и музичко сценски настан „Скатова“ во скејт паркот, настапи на уметници и музичари на „Улицата со чадори“ и слични активности.

На последниот ден на 2-ри август каде на плоштадот ќе се одржи концертот песни за деца „Едуцираме со уметност” од Тирана од 19 часот, а од 21:00 со вечер на народна музика-ритуалот на албанската свадба. ас/цр/

Извор: mia.mk

Можете да прочитате

ВРМО-ДПМНЕ: Не видовме план од Ковачевски, туку реакција на претходна понуда на Мицкоски

Министрите повеќе нема да можат да јадат лигњи и октопод, Ковачевски забрани морска храна

Пендаровски во посета на Прилеп во рамки на проектот „Лице в лице со претседателот“