Утрински Весник
Спорт

Започнува новата ера во Реал Мадрид

Започнува новата ера во Реал Мадрид

Мадрид, 8 јули 2019 (Утрински Весник) – Денес започнува новата ера во Реал Мадрид по катастрофалната мината сезона, кога тимот не успеа да освои ниту еден трофеј.

Проблемите со тренерите исто така, придонесоа за тоа што се случи, откако Хулен Лопетеги ја започна сезоната, но беше отпуштен по резилот против Барса во есен.

Следуваше неколкумесечен период на Сантијаго Солар, по кој на чело се врати Зинедин Зидан.

Само до крајот на месец јуни, тимот инвестира 298 милиони евра за нови фудбалери.

Еден Азар од Челзи беше големиот трансфер, но освен него дојдоа Родриго, Милитао, Јовиќ и Менди. До почетокот на новата сезона е можно да биде земен и Пол Погба, но сигурно ќе си заминат и уште неколку фудбалери од минатогодишниот тим. Дел од играчите на клубот се уште се на одмор.

Денес фудбалерите ќе преминат медициниски тестови, а Зидан започна со група од 28 лица, од кои 4 се од вториот тим „Кастиља“. Меѓу нив е јапонецот Кубо, кој ќе биде дел од вториот тим, но кон него има големи очекувања.

Утре ќе се одржи првиот тренинг.

Групата на Реал на почетокот на подготовките:

Голмани: Куртоа, Навас, Лунин, Зидан
Одбрана: Карвахал, Одриосола, Варан, Рамос, Начо, Марсело, Менди
Среден ред: Крос, Модриќ, Иско, Асенсио, Брахим Дијаз
Напад: Бејл, Васкез, Родриго, Бензема, Јовиќ, Маријано, Азар, Виниќиус

Од Кастиља: Кубо, Де Ла Фуенте, Сеоане, Хавиер Ернандез.вз

Извор: mia.mk

Можете да прочитате

Швајцарија ги искористи сите „дупки“ во одбраната на Србија за осминафинале, Камерун прв го победи Бразил!

Мекларен ги продаде историските болиди на Бахреин!

Роналдо откако се откажал од 16 милиони фунти од Јунајтед пратил порака: Слободен како птица