Утрински Весник
Македонија

Заев – Филип: За испорачаното Северна Македонија очекува исполнување на ветувањето на ЕУ

Заев – Филип: За испорачаното Северна Македонија очекува исполнување на ветувањето на ЕУ

Познањ, 5 јули 2019 (Утрински Весник) – Македонскиот премиер Зоран Заев, на маргините на Самитот за Западен Балкан во Познањ оствари средба со неговиот француски колега Едуар Филип.

Како што соопшти владината прес-служба, премиерот Заев на средбата, на која присуствуваа и заменик – премиерот задолжен за европски прашања Бујар Османи и министерот за надворешни работи Никола Димитров, истакна дека Република Северна Македонија е целосно посветена на остварување на ЕУ агендата и дека во таа насока се остварени сите неопходни очекувања од земјата испорачани на минатогодишниот состанок на Европскиот Совет.

Врз основа на остварените препораки од јуни минатата година, за остварување на зацртаните реформи во правосудството, борбата против организираниот криминал, реформата на безбедносните служби и во јавната администрација, дојде и препораката од Европската комисија за безусловен старт на преговорите на ЕУ со Република Северна Македонија, потенцираше премиерот Заев на средбата, истакнувајќи дека земјата ги исполни сите реформски и политички очекувања, вклучувајќи ги и уставните промени за името на земјата, и дека за испорачаното земјата очекува и исполнување на ветувањето на Европскиот Совет за почеток на преговорите во октомври.

– Таквата одлука ќе биде јасна порака и за другите во регионот дека вреди да се вложува во реформите и во унапредувањето на билатералните односи во регионот, како и во регионалната соработка. Ја поддржуваме дебатата за реформи во ЕУ, но убедени сме дека тој процес може да оди паралелно со процесот на преговори и за проширување со земјите од регионот, нагласи премиерот Заев.

Францускиот премиер на средбата го нагласи заедничкиот интерес што го делат Франција и Северна Македонија да работат на продлабочување на билатералните односи и на економската соработка.

Филип ја изрази поддршката за напорите за продолжување на зацртаните реформи за владеење на правото и упати честитки за Договорот од Преспа и за имплементирањето на придобивките од новата добрососедска реалност што ја оствари земјата со соседите во регионот. сп/

Извор: mia.mk

Можете да прочитате

Петровска: Ја повикувам Комисијата за одбрана одблиску да го следи спроведувањето на огласот за прием на професионални војници

Со парите од вилата во Њујорк да се купат дипломатски станови, бара синдикатот

Арсовска им порача на советниците од ВМРО-ДПМНЕ дека се лицемерни и да престанат да саботираат