Утрински Весник
Македонија

Две уметнички претставувања на манифестацијата „Петровденски конаци“ во Кочани

Две уметнички претставувања на манифестацијата „Петровденски конаци“ во Кочани

Кочани, 6 јули 2019 (Утрински Весник) – Во рамки на програмата на манифестацијата „Петровденски конаци“ во Центарот за култура „Бели мугри“ синоќа беше отворена изложбата под наслов „Организам со волја и страст за себеутврдување“ на Надица Атанасова.

На реализацијата на процесот инспириран од прашањето што може да се научи од скршен сад, работеле Атанасова со кочанските уметници, Наталија Теодосиева и Михаил Митев, како и Васко Цветанов и Александра Пандева.

– Размислувањето за скршен сад го сфатив толку лично, што повторно се запрашав, ама во себе секој пат кога мислев дека ќе се распаднам на парчиња, всушност бев посилна. И навистина тоа кршење ме зајакнуваше. На изложбата, преку фотографии се прикажани неколку растројства на човечкото битие. На фотографиите публиката се судира со емоции предизвикани од болка, страв, конфузија, незнаење, а во продолжение истите тие фотографии потврдуваат дека и по тие состојби човек може да биде посилен и стабилен, истакна авторката Атанасова.

Публиката можеше да го проследи видеото од процесот на „позлатување на телото“, каде замена за скршениот сад е Наталија Теодосиева, процес реализиран на локалитетот Куклица кај Кратово.

Со интерактивната изложба на Надица Атанасова, беше претставена западната тераса на Центарот за култура како нов изложбен простор, оформен со реконструкцијата на објектот.

Паралелно со изложбата, на платото пред Центарот за култура се одвиваше Ликовната колонија со интерактивен перформанс. Ликовните уметници Владимир Темков, Горан Боев, Цветанка Јованова Хермес, Валентина Илијевска, Марија Мицова Гацова, Јорданчо Кицовски твореа на мотиви инспирирани од Кочани. та/мс/

Извор: mia.mk

Можете да прочитате

Петровска: Ја повикувам Комисијата за одбрана одблиску да го следи спроведувањето на огласот за прием на професионални војници

Со парите од вилата во Њујорк да се купат дипломатски станови, бара синдикатот

Арсовска им порача на советниците од ВМРО-ДПМНЕ дека се лицемерни и да престанат да саботираат