Утрински Весник
Спорт

Два златни медала за Стаменковски во бенч и мултибенч

Два златни медала за Стаменковски во бенч и мултибенч

Македонска Каменица, 24 јуни 2019 (/) – Пауерлифтерот Бошко Стаменковски од Македонска Каменица, со два златни медали се враќа од Одеса, Украина каде викендов учествуваше на Меѓународното отворено првенство во пауерлифтинг.

Златото Стаменковски го освои во дисциплината бенч и мулти бенч, а како што соопшти самиот, тој е прогласен и за најдобар мулти-бенчер.

– Првите места ги освоив во категоријата за натпреварувачи до 75 килограми, каде бев најдобар во дисциплините Бенч и Мултибенч. Како резултат на овој успех ја добив и наградата за најдобар мултибенчер, истакна Стаменковски.

Медалите како што додава имаат посебно значење за него, затоа што на ова првенство во Украина учествувале најдобрите бенчери од Европа.

Стаменковски е еден од ретките спортисти во Македонија кој со пауер лифтинг започна да се занимава по 40 година од животот и за неполни 10 години, освои речиси се што можеше да се освои од големите натпреварувања во пауерлифтинг. Има освоено преку 50 медали што го вбројува меѓу најуспешните спортисти во државата. вс/зс/

Извор: mia.mk

Можете да прочитате

Цитатите на Фергусон и Мурињо влегоа во речникот на Оксфорд

Тен Хаг му се заблагодари на Пеп за „лекцијата“

Атлетико Мадрид оди на продажба