Утрински Весник
Македонија

Гром удрил во трафостаницата кај изворите во Шум, отежнато водоснабдувањето во Струга

Гром удрил во трафостаницата кај изворите во Шум, отежнато водоснабдувањето во Струга

Струга, 11 јули 2019 (Утрински Весник) – Гром синоќа удрил во трансформаторот преку кој со електрична енергија се напојуваат водните пумпи во селото Шум, од каде со вода се снабдуваат Струга и околината.

Јавното претпријатие „Проаква“  информира дека трансформаторот претрпел големо оштетување, што го отежнува снабдувањето со вода на населението.

– Како последица на ова во текот на денот ќе има слабо снабдување со вода за пиење на Струга и селата. Апелираме до корисниците да преземат потребни мерки за да имаат вода барем за основните потреби додека не се санира овој голем дефект, соопшти ЈП „Проаква“.

Екипи на претпријатието заедно со ЕВН Македонија се на местото на настанот и прават напори да го оспособат трансформаторот, со цел во текот на денот да се нормализира снабдувањето со вода за пиење. сс/сп/

Извор: mia.mk

Можете да прочитате

Петровска: Ја повикувам Комисијата за одбрана одблиску да го следи спроведувањето на огласот за прием на професионални војници

Со парите од вилата во Њујорк да се купат дипломатски станови, бара синдикатот

Арсовска им порача на советниците од ВМРО-ДПМНЕ дека се лицемерни и да престанат да саботираат