Утрински Весник
Македонија

Градоначалникот Јанчев упати јавна благодарност до надлежните за нивната посветеност и професионалност

Градоначалникот Јанчев упати јавна благодарност до надлежните за нивната посветеност и професионалност

11 јуни 2019 

Почитувани,

Секоја професија има свои уникатни вредности кои и даваат белег и исклучителност во нејзиното извршување. Да им се помага на другите луѓе е доблест која некои во исто време ја имаат и како привилегија да биде и нивна професија.

Почитуван Претседател на Владата на Република Северна Македонија г-дин Зоран Заев, голема благодарност за Вашата работа и залагање во делот на здравството во нашата земја. Организираноста и функционирањето се заслуга на Вашето успешно менаџирање.

Голема е посветеноста на Министерот за здравство г-дин Венко Филипче во постигнувањето на создавање на модерно и функционално здравство со кое ние граѓаните се чувствуваме сигурни. Во оние тешки моменти кога се соочуваме со некој здравствен проблем и кога имаме потреба од брза интервенција, успешното работење значи спасување на нечиј живот.

Почитуван Министер г-дин Оливер спасовски, почитувани вработени во Министерството за внатрешни работи, ПС ОН Кавадарци, ЈЗУ Општа болница со проширена дејност Кавадарци, Клиника за анестезија, реанимација и интензивно лекување ( КАРИЛ), Клиника за детска хирургија и Ургентен центар при клинички центар “Мајка Тереза“, од се срце Ви се заблагодарувам за Вашата тимска работа и за подготвеноста да реагирате во критичните моменти. Голема благодарност за Вашата посветеност и професионалност. Вашата жртвуваност за нечиј живот понекогаш ве држи далеку од Вашите семејства, но бидете сигурни дека некој ќе Ви биде благодарен до крајот на својот живот затоа што поради Вас останал да биде дел од своето семејство. Вашата професионалност само покажува дека чекориме напред кон светските стандарди на модерното и напредно здравство.

Со почит,

Митко Јанчев

градоначалник на Општина Кавадарци 

___________________________________________________________
/ овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Извор: mia.mk

Можете да прочитате

Охрид меѓу петте најпотценети градови на Балканот

Дојави за бомби во училишта во Кавадарци

291 санкции за брзо возење