Утрински Весник
Македонија

Во Скопје вчера казнети 58 возачи за брзо возење, пајакот отстранил 70 возила

Во Скопје вчера казнети 58 возачи за брзо возење, пајакот отстранил 70 возила

Скопје, 4 јули 2019 (Утрински Весник) –  Две лица се здобиле со тешки телесни повреди во две од вкупно осум сообраќајки во текот на вчерашниот ден. Во три сообраќајки со полесни повреди се здобиле три лица, а во три била причинета материјална штета.

Од СВР Скопје информираат дека вчера сообраќајната полиција санкционирала 58 возачи кои се движеле со брзина поголема од дозволената, тројца возачи поминале на крстосница на црвено светло, а двајца возачи не дале првенство на минување на обележан пешачки премин. Еден возач е санкциониран за неправилно престигнување,  14 возачи за не носење заштитен шлем, пет возачи за не  користење сигурносен појас и 17 возачи кои користеле мобилен телефон за време на управување на моторно возило.

Од сообраќај биле исклучени 18 нерегистрирани возила.

Затекнати биле 78 возила непрописно паркирани, а со помош на  специјалното возило „пајак“, отстранети биле 70 возила. гв/цр/

Извор: mia.mk

Можете да прочитате

Театар во Град Скопје: Арсовска тераше инат со Славески и не се тргаше од говорницата

Петровска: Ја повикувам Комисијата за одбрана одблиску да го следи спроведувањето на огласот за прием на професионални војници

Со парите од вилата во Њујорк да се купат дипломатски станови, бара синдикатот