Утрински Весник
Македонија

Водата од браната Паљурци е безбедна по здравјето на луѓето

Водата од браната Паљурци е безбедна по здравјето на луѓето

Гевгелија,10 јули 2019 (Утрински Весник) – Последните испитувања на примероци вода земени минатиот месец од браната Паљурци кај Богданци покажаа дека водата е безбедна по здравјето на луѓето и дека целосно одговара на потребите за кои е наменета.

Анализата на водата ја направи ЈЗУ Центар за јавно здравје од Велес, согласно Уредбата за класификација на водите и Уредбата за категоризација на водотеците, езерата, акумулациите и подземните води.

Лабораториските наоди на водата од акумулацијата Паљурци покажаа дека таа одговара на трета класа по присутна матност и дека по другите параметри и бактериска контаминација припаѓа на втора и прва класа.

Според резултатите, водата од браната Паљурци отстапува од толелираната втора класа само по параметри кои според стручњаците не се одразуваат штетно по здравјето на луѓето и може да се користи за капење, рекреација, наводнување на земјоделски површини и за напојување на стоката. им/мс/

Извор: mia.mk

Можете да прочитате

Пешевска: Да се зголеми додатокот за минимална помош преку МТСП

Ковачевски: Да се обединиме за европска иднина за стремежот за европска Македонија

СДСМ: Мицкоски конструктивноста да ја покаже во Собранието, подаваме рака за сите кои работат за граѓаните