Утрински Весник
Македонија

Вандализам врз новопоставената урбана опрема во Македонска Каменица

Вандализам врз новопоставената урбана опрема во Македонска Каменица

Македонска Каменица, 10 јуни 2019 (/) – Не престанува вандализмот врз новопоставената урбана опрема во Македонска Каменица. Во текот на викендот забележани се видни оштетувања врз скоро засадените декоративни и цветни садници, додека денес, како што информираат од Јавното претпријатие „Камена река“, оштетувањата се видни и кај новопоставениот систем „капка по капка“.
-Од страна на несовесни граѓани украдени се поголемиот број на „капалки“ кои го регулираат истекот на вода од системот. Веќе се работи на поправка врз оштетувањата на системот „капка по капка“, поправка, која нас како претпријатие кое е задолжено за одржување на истиот, ќе не чини дополнителни средства, што ќе се одрази и на буџетот на граѓаните. Затоа апелираме до граѓаните секое забележано несовесно однесување врз урбаната опрема, граѓаните да го пријават до надлежните органи, велат од ЈП „Камена река“.
Додаваат дека претходно неодговорни лица ги уништиле и откорнале засадените листопадни и зимзелени дрвја, како и декоративните цветни насади во централното градско подрачје. Освен тоа нагрдени се и поставените експонати во „Паркот на рударите“, а уништена е и урбана опрема.
Од овие причини за вандализмот известени се сите надлежни органи, а ќе биде засилено и присуството на општинското обезбедување. Сторителите кои ќе бидат фатени, ќе одговараат за причинетата материјална штета, се вели во соопштението од општина Македонска Каменица. вс/ац/

Извор: mia.mk

Можете да прочитате

Инфлуенсерката Маја Миа од Охрид пронајдена мртва во Африка

Мртво тело најдено покрај Лепенец во Орман

Две лица ограбени во Градскиот парк