Утрински Весник
Спорт

Бразил ја освои Копа Америка

Бразил ја освои Копа Америка

Рио де Жанеиро, 8 јули 2019 (Утрински Весник)  – Фудбалската репрезентација на Бразил ја освои Копа Америка, девети пат во нејзината историја, откако ноќеска во финалето го совлада Перу со 3:1 (2:1).

На славната „Маракана“ во центарот на вниманието беше Габриел Жезус, кој му асистираше на Евертон при првиот гол  во 15. минута, беше стрелец на вториот во 45+3, а потоа и исклучен од игра во 70. минута.

Во стрелците за Бразил се запиша и Ришалсон во 90. минута од пенал, додека единствениот гол за Перу го постигна Паоло Гереро, исто така од белата точка, во 44 минута од играта.

Бразил по петти пат беше домаќин на континенталниот шампионат и секој пат го освојувал трофејот на домашен терен. Овој триумф е прв по 12 години за кариоките, предводени од  селекторот Тите, а е остварен без првата ѕвезда на тимот Неимар, кој отсуствуваше од шампионатот заради повреда. сд/

Извор: mia.mk

Можете да прочитате

Катерина Милевска под менторство на селекторот на САД, нашиот Влатко Андоновски, дел од врвна програма на ФИФА

Супер-компјутерот на СБК: Бразил ќе биде светски првак

Смит Роу опериран, се враќа во декември